Үндэсний шигшээ баг, “Хилчин” спорт хорооны тамирчин, ОУХМ Б.Ачбадрах “Милан-Кортина”-2026 өвлийн олимпын наадмын гүйлтийн цанын 10 км-ын (10+10) скиатлоны төрөлд хүч сорьж 38 улсын 75 тамирчнаас 55 дугаар байрт шалгарлаа. Түүний хувьд “Бээжин-2022” өвлийн олимпын наадмын энэ төрөлд 65 дугаар байр эзэлж байжээ.

Энэ тэмцээний эхний гурван байрт Норвеги, Францын тамирчид жагссан бол Ази тивийн төлөөллөөс Япон улсын тамирчин 22 дугаар байр эзэллээ. 

Манай тамирчин энэ сарын 10-нд гүйлтийн цанын спринт төрөлд хүч сорино. 

Өвлийн олимпын наадамд гурав дахь удаагаа өрсөлдөж буй Үндэсний шигшээ баг, “Хилчин” спорт хорооны тамирчин, ОУХМ Б.Ачбадрах өнөөдөр “Милан-Кортина”-2026 өвлийн олимпын наадмын цагаан замд гарна.

Манай тамирчин гүйлтийн цанын 10 км-ын скиатлоны төрөлд хүч сорих бөгөөд Улаанбаатарын цагаар 19.30 цагт уралдаанаа эхлүүлнэ. Уг төрөлд 38 орны 75 тамирчин хүч сорих аж.

Түүний уралдааныг C1 ТВ-ийн шууд дамжуулалтаас үзэх боломжтой. 

Гэрэл зургийг Э.Харцага