Өнгөрч буй энэ долоо хоногт ямар асуудал анхаарлын төвд байв?  

Түгжрэл, агаарын бохирдлыг иргэдийн оролцоотойгоор шийдэхийн тулд нийслэлийн иргэн бүрд оноо өгнө.

Жишээ нь, та автобусаар зорчин, түгжрэлийг бууруулахад шууд бусаар хувь нэмэр оруулбал, алхвал, дугуй унавал оноо авна. Цуглуулсан оноогоо хотын тодорхой үйлчилгээнд ашиглах боломжтой байхаар судалж эхэлсэн гэж Улаанбаатар хөгжлийн корпорацын захирал Ж.Сандагсүрэн тайлбарлав. Энэ санаачилгыг зарим иргэн дэмжсэн бол зарим нь шаардлагагүй гэж үзэн, хүчтэй шүүмжлэв.   

Энэ удаад малын эмч нар төв талбайд жагсав. Эмч, багш нар Сүхбаатарын талбайд олон хоног сууснаар бага боловч үр дүнд хүрсэн юм. Энэ сарын 12-нд нийслэлд ирсэн малын эмч нарын төлөөлөл “Бид нар өтөг бууц дунд маш хүнд нөхцөлд ажиллаж байхад ямар ч үнэлэмж алга. Энэ салбарыг дэмжихгүй бол малын эмчгүй болох нь. Тиймээс төр, засаг биднийг эргэж хараач” гэв.   

Олныг цочроосон, гэмт хэрэг гараад хоёр жил өнгөрөв. 16 настай охиныг хэрцгийгээр хөнөөсөн хэрэгт хамтран оролцсон байж болзошгүй этгээдүүдийг 2026.01.12-нд шүүхэд шилжүүлснээр гэм бурууг нь шүүхээр боллоо. Хуулийн байгууллагаас өнгөрсөн хугацаанд гаргасан шийдвэр, мэдэгдлүүдийг нэгтгэн хүргэж байна.

2024 ОН: Цагдаагийн байгууллагад  2024 оны зургаадугаар сарын 21-ний өглөөний 05:00 цагийн орчимд иргэн Э.Г-ээс гэмт хэргийн талаарх мэдээлэл иржээ. Мэдээллийн дагуу холбогдох албаныхан хэргийн газарт үзлэг хийх явцад 16 настай, эмэгтэй Ч.Ш-ийн амь насыг хохироосон болон бусад нөхцөл байдал илэрч, мөрдөн шалгах ажиллагааг эхлүүлсэн байна.

Үүнээс цааш ямар үйл явдлууд өрнөснийг эндээс уншаарай.

Ерөнхий сайд Г.Занданшатар нийслэлийн болон 21 аймгийн засаг дарга, ИТХ-ын дарга нар нарыг энэ сарын 15-нд Төрийн ордонд хүлээн авч уулзав. Нүүрс бол Монгол Улсын орлогын гол эх үүсвэр болсон. Энэ орлого буурахад бүх салбарт дарамт ирдэг. Тиймээс төсвөө хэмнэхээс өөр араггүй болсон. Төсвийн орлого 1 их наяд төгрөгөөр буурсан.

Гэтэл нөгөө талд төсвийн зардал 1 их наядаар өссөн байв. Ажил ямар гараанаас эхэлснийг эндээс харж болно. Түүхэндээ анх удаа төсөвт 2 их наяд төгрөгөөр бодит хэмнэлт хийсэн гэв.

Үүн дээр Оюутын ордын хайгуулын ажлыг гүйцэтгэж, урьдчилсан үр дүнгээр 0.32 хувийн агуулгатай, 357 сая тонн 1.1 сая гаруй тонн зэсийн геологийн нөөцийг тогтоон, шинэ орд нээснээ өнгөрсөн есдүгээр сард албан ёсоор зарласан билээ. Энэ нь Эрдэнэт үйлдвэрийн хөгжлийн түүхэнд шинэ хуудас нээж, уурхай 100 жил ажиллах ирээдүйтэй үйлдвэр болгож байна.

Уурхай урт хугацаанд тогтвортой ажиллах нөөц тогтоогдсон тул өнгөрсөн онд үйлдвэрийнхээ технологийг шинэчлэх ажлыг үе шаттайгаар эхлүүлжээ. Сэтгүүлч Э.Энхмаагийн бэлтгэсэн, тус үйлдвэрийн 2025 оны голлох үзүүлэлтүүд, энэ оны томоохон төслүүдийн мэдээллийг эндээс уншаарай.  

Монголбанкны Мөнгөний бодлогын хороо ээлжит бусаар хуралдаж гаргасан шийдвэрээ өчигдөр танилцуулав. Банкнаас иргэдэд шинээр олгох, нөхцөлийг нь өөрчлөх хэрэглээний зээлийн өр, орлогын харьцааг 45 хувь болгон шинэчлэх болжээ. Хэрэглээний зээлд тэтгэврийн зээл багтдаг.    

"Тэтгэврийн зээлийн хүү дунджаар жилийн 18 хувь буюу өндөр байна. Үүнд та бүхэн хяналт тавьдаг уу, ямар нэг арга хэмжээ авах уу? Учир нь энэ зээлийг банкны эдийн засагч судлах шаардлагагүй. Банкнаас цаг, зардал гаргах шаардлагагүй зээл" гэсэн сэтгүүлчийн асуултад Мөнгөний бодлогын хорооны хараат бус гишүүн, СЭЗИС-ийн багш Б.Мөнхзаяа хариулав. 

САНАЛ БОЛГОХ НИЙТЛЭЛ


 

Тооноор тусах нарнаас өөр гэрэлгүй гэрт Б.Б сая оруулж ирсэн цасыг тогоонд хайлуулж, өдрийн ундаа бэлтгэнэ. Тэрээр 67 настай. Ганцаар амьдрах тул гэрийн дотор нам гүм. Угаас тоггүй тул гэрт зурагт, радио зэрэг элдэв цахилгаан хэрэгсэл нэг ч үгүй. 

Нөхцөл байдлыг ажихаар хорооны ажилтан зарим улиралд алдаг оног тойрч ирдгийг эс тооцвол Б.Б нь хотын захын шинэ суурьшлын бүсэд хоёр жил гаруй амьдарсан хугацаанд түүнийг зорьж ирсэн гийчингүй. Салхи нэвчүүлэхгүй гэж тооноо хүртэл хучсанаас гэр бараг гэгээ үзэхгүй. Үүндээ ч тэр дасал болжээ. 

Эл байдал нь зам харгуйгүй, алслагдсан орон нутгийн нийгмийн амьдралыг харуулах гэсэн нийтлэг кино эсвэл зохиолд дүрсэлдэг ганц бие эрийн тодорхойлолт ч юм шиг. Гэвч үнэндээ 2040 он хүртэл хөгжлийн төлөвлөгөөгөө баталсан Улаанбаатар хотын иргэндээ зориулсан дэд бүтцийн өнөөгийн бодит байдал юм. Сэтгүүлч Б.Азбаярын бичсэн, шинэ суурьшлын бүстэй холбоотой, асуудал хөндсөн нийтлэлийг эндээс уншаарай.  

САНАЛ БОЛГОХ ЯРИЛЦЛАГА

Монгол Улсад агаарын бохирдлын асуудлыг ихэвчлэн гаднах орчноор ярьдаг. Харин бидний өдөр тутмын амьдралынхаа ихэнх цагийг өнгөрөөж буй дотоод орчны агаарын чанар бараг хяналтгүй орхигдсоор байна. 

Энэ асуудлыг шийдэх зорилготой Л.Дэлгэрзул Монголд дотоод орчны агаарын чанарын стандартыг бий болгох урт хугацааны зорилгынхоо эхлэл болгож, агаарын чанар хэмжих төхөөрөмжийг оруулж ирснийг Гарааны бизнес буланд онцолж байна. Тэрбээр орчны эрүүл мэндийн салбарт олон жил судалгаа хийж буй нэгэн бөгөөд одоо гаднын компанид агаарын бохирдлын зөвлөхөөр ажилладаг.