Өнөөдрөөс Замын-Үүд-Эрээн авто замын боомтыг 24 цагийн горимд шилжүүллээ.

Засгийн газрын хуралдаанаар энэ сарын 1-нээс есдүгээр сарын 30-ны өдрийг хүртэл Замын-Үүд-Эрээн авто замын боомтыг 24 цагаар ажиллуулахаар шийдвэрлэсэн. Тус боомт 24 цагийн горимд шилжсэнээр ачаа барааны эргэлт хурдсаж, импортын, өргөн хэрэглээний бүтээгдэхүүний үнэ тогтвортой байхад чухал нөлөө үзүүлнэ.

Мөн оргил ачааллын үед том оврын машины дараалал багасаж, тээвэрчдийн цагийг хэмнэх, зочид буудал, хоол, тээврийн хэрэгслийн хоногийн хураамж зэрэг олон зардал буурах ач холбогдолтой гэж Зам тээврийн хөгжлийн яамнаас мэдээлэв.