АНУ-ын Ерөнхийлөгч Доналд Трамп Их Британийн ВВС телевизээс таван тэрбум ам.доллар нэхэмжилнэ.  
    
Учир нь тус телевиз баримтат кинонд Тррампын яриаг хэсэгчлэн оруулж эвлүүлэхдээ агуулгын алдаа гаргажээ. Хэдийгээр ВВС Доналд Трампаас уучлал гуйн, нэвтрүүлгийг дахин гаргахгүй гэсэн ч нөхөн төлбөр төлөхгүй гэсэн байна. 

Үүний хариуд АНУ-ын Ерөнхийлөгчийн өмгөөлөгч нар ирэх долоо хоногт шүүхэд гомдол гаргаж, 1-5 хүртэл тэрбум  ам.доллар нэхэмжилнэ гэв. 

Маргаан дагуулсан баримтат кинонд 2021.01.06-ны өдөр Трампын сонгогчдод хандан хэлсэн үгийг харуулжээ. Ингэхдээ Доналд Трамп иргэдийг үймээн самуунд өдөөн турхирсан мэтээр, ташаа ойлголтыг өгсөн гэж АНУ-ын Ерөнхийлөгч үзсэн. Түүний ярианаас өөр өөр хэсгийг таслан эвлүүлсэн нь үзэгчдэд буруу ойлголт төрүүлсэн, үзэгчдийг хуурсан гэв. Тэрээр 2021 онд үг хэлэхдээ "Бид Конгрессийн барилга руу явж, Конгрессийн зоригтой гишүүдэд хандана" гэжээ. Харин нэвтрүүлэгт "Бид Конгрессийн барилга руу явна. Би та бүхэнтэй хамт байна. Бид бүх хүчээрээ тэмцэнэ" гэж ярьжээ.  

Түүний 50-иас илүү урттай ярианаас хэсэгчилж аваад нийлүүлэхдээ агуулгыг гажуудуулсан гэв. Гэхдээ тэр үг хэлэхдээ нийт 20 удаа дайтна гэсэн байна.   
   
Энэ асуудлаар ирэх долоо хоногт Доналд Трамп Их Британийн Ерөнхий сайд Кэйр Стармэртай уулзах болжээ. Энэ нэвтрүүлгийн улмаас ВВС-гийн удирдах хоёр ажилтан ажлаасаа халагдсан юм. 

Эх сурвалж: BBC