Макс Групп нь НҮБ-ын Тогтвортой хөгжлийн 17 зорилгыг үйл ажиллагаандаа мөрдлөг болгон, эдийн засаг, нийгэм, байгаль орчинд эерэг нөлөөлөл үзүүлэх “Таван Монгол” бодлогыг амжилттай хэрэгжүүлж байна.

Тус групп нь 2025 онд нийгмийн сайн сайхан болон байгаль орчныг хамгаалах чиглэлээр нийт 91.0 тэрбум төгрөгийн хөрөнгө оруулалт хийжээ.

ТАЙЛАНТ ОНД

Тайлант хугацааны томоохон бүтээн байгуулалтын нэг нь Говь-Алтай аймгийн Тайшир суманд ашиглалтад оруулсан “Тайшир шохойн үйлдвэр” юм. Энэхүү үйлдвэр нь Монголдоо анхдагч хаягдалгүй, битүү циклийн технологитой гэдгээрээ онцлогтой.

ҮНДЭСНИЙ ҮЙЛДВЭРЛЭЛИЙГ ДЭМЖИХ ХҮРЭЭНД

Үндэсний үйлдвэрлэлийг дэмжих хүрээнд дотоодын 6,236 ханган нийлүүлэгчтэй тогтмол хамтран ажиллаж, эдийн засгийн өсөлтөд бодитой хувь нэмэр оруулж байна.

Уур амьсгалын өөрчлөлтийн эсрэг “Ногоон Монгол” бодлогын дор “Макс Групп” нь тайлант онд нийт 13,920 ширхэг мод тарьж, зам бүтээн байгуулалтын ажил гүйцэтгэсэн 75.4 га талбайд биологийн нөхөн сэргээлтийг стандартын дагуу хийж гүйцэтгэлээ.

Тайлангийн дэлгэрэнгүйг дараах холбоосоор унших боломжтой: Тогтвортой хөгжлийн тайлан 2025