Мобиком Корпораци 1996 онд байгуулагдсан цагаасаа хойш 30 жилийн турш бизнесийн өсөлтөөс гадна нийгмийн хөгжил, ирээдүй хойч үеийн сайн сайхныг эрхэм зорилгоо болгон ажиллаж ирсэн билээ. Мобикомын бодит үр өгөөжөө өгсөн олон төсөл, үйл ажиллагааг нь үнэлж Монголын Үндэсний Олон Нийтийн Телевизийн “Цагийн хүрдийн баатрууд 2026”-ийн Нийгмийн хариуцлагатай компаниар тодрууллаа.

Мобикомын санаачлан хэрэгжүүлсэн “Үдийн цай” хөтөлбөр, Дэлхийн Зөн Монгол ОУБ-тай хамтарсан WASH төсөл нь 110 сургуулийн 65,500 хүүхдэд эрүүл, аюулгүй орчныг бүрдүүлж, модон жорлонг халсан. “Хүүхэд бүрд цэвэр ус”, 108 тусламжийн шугам, “Боломжийг бүгдэд” төслүүд зэрэг нь хүүхэд, онцлог хэрэгцээтэй иргэдийн амьдралд хүрсэн олон бодитой ажлуудын нэг хэсэг юм.
Сүүлийн жилүүдэд хэрэгжүүлж буй “Smart Education” төсөл нь боловсролын хүртээмжийг нэмэгдүүлж, технологид суурилсан сургалтын шинэ орчныг бүрдүүлж байна. Нийслэлийн 6 дүүрэг, 13 аймгийн 19 сургуульд байгуулсан дижитал танхимууд 37,000 гаруй сурагч, 600 гаруй багшид хүрч, сургалтын ирц, идэвхийг 20–30 хувиар нэмэгдүүлсэн нь ирээдүйд хийж буй бодит хөрөнгө оруулалт билээ.

Эдгээр ажлууд нь зөвхөн нэг байгууллагын хичээл зүтгэл бус бидэнд итгэл хүлээлгэж, хамтдаа алхаж ирсэн нийт хэрэглэгч, харилцагч, хамтран ажиллагчдын маань дэмжлэгийн үр дүн юм. Та бүхний сонголт, итгэл, хамтын оролцоо бүр Монголын ирээдүй болсон хүүхэд, залуусын сайн, сайхны төлөөх бодит хувь нэмэр болж ирсэнд гүн талархал илэрхийлье.

Өвлийн сарыг өнтэй давж, урин хавартай учран золгож буй сар шинийн энэ өдрүүдэд хийсэн үйлсээ эргэн харж, цаашид ч илүү хүртээмжтэй боловсрол, илүү боломж, илүү гэрэл гэгээтэй ирээдүйн төлөө хамтдаа үргэлжлүүлэн ажиллах болно.
Буурал жилийн буян хишиг дэлгэрч, Буман олны ерөөл биелж Танд болон танай гэр бүлд Эрүүл энх, аз жаргал, амжилт бүтээл арвин, Элбэг хангалуун, эв нэгдэл дүүрэн байхыг хүсэн ерөөе.

Сар шинэдээ сайхан шинэлээрэй!

Ирээдүйг технологиор холбоно.