Баянзүрх дүүргийн цагдаагийн газарт 2024 оны гуравдугаар сарын 25-нд өдөр согтуу хүн гар буу гаргаж толгойд тулгаж, дарамталсан гэх дуудлага, мэдээлэл бүртгэгджээ. 

Мэдээллийг шалгахад өмнө нь архидан согтуурч найман удаа зөрчил гаргаж байсан 54 настай эрэгтэй М гэгч нь үрлэн сумтай тоглоомон буугаар бусдыг айлган сүрдүүлж, танхайрсан болохыг тогтоон, эрүүлжүүлэх, саатуулах байранд хүргэж, шалгалтын ажиллагаа явуулж байна.

Архи, согтууруулах ундааны зохисгүй хэрэглээнээс татгалзах, ажил, үйлдвэрлэлийн зайлшгүй шаардлагатай нөхцөл, эсхүл заншлын дагуу хэрэглэж байгаагаас бусад тохиолдолд хот, суурин газарт биедээ хутга, эсхүл хүний биед гэмтэл учруулж болох тусгайлан бэлтгэсэн зэвсгийн чанартай зүйл авч явах нь хуульд заасан шийтгэл, хариуцлага хүлээдэг болохыг ЦЕГ-аас сэрэмжлүүлж байна.