Их Британийн хаан Чарльзын дүү Эндрю Маунтбаттен-Виндзорын нэр болон зургууд Жеффри Эпштэйний бэлгийн хүчирхийллийн хэргийн баримтуудаар ил болсон. 

Мөн сүүлд түүнийг худалдааны нууц баримт дамжуулсан байж болзошгүй талаар мэдээлэл гарсан юм. 

Тэгвэл Букингемийн ордноос энэ хэрэгтэй холбоотойгоор шалгалтын ажиллагааг эхлүүлбэл дэмжин ажиллахад бэлэн гэдгээ мэдэгджээ. 

Эндрю нь Эпштэйнтэй ойр харилцаатай байсан асуудлаас болж хэдийнэ хэргэм зэргээ хураалгаж, ордноос хөөгдсөн.

Сүүлд ил болсон баримтуудын дараа тэрбээр дахин олны шүүмжлэлд өртөөд буй нь энэ юм.  

Уг материалаар Эндрюг 2010 онд Эпштэйнд Вьетнам, Сингапур зэрэг улстай холбоотой Их Британийн худалдааны баримтуудыг дамжуулсан байж болзошгүй нь ил болжээ.  

Худалдааны тусгай элч нар ийм төрлийн нууц мэдээллийг задруулахыг хориглодог. 

Өдгөө 65 настай тэрбээр ямар нэг хууль бус үйлдэл хийсэн гэдгээ үргэлж үгүйсгэж ирсэн ч шинээр ил болсон баримтын талаар одоогоор тайлбар хийгээгүй байна.

Эх сурвалж: Reuters