Иван Ярыгиний нэрэмжит олон улсын тэмцээний эрэгтэйчүүдийн 57 кгд U23 насны ДАШТ-ий хүрэл медальт, Ази тивийн АШТ-ий хүрэл медальт, Үндэсний шигшээ баг, Төгс дэвжээний бөх Б.Мөнх-Эрдэнэ алтан медаль хүртлээ. 

Домогт “Бага дэлхийн аварга” хэмээн алдаршсан энэхүү нэр хүндтэй тэмцээнээс өмнө нь 

• 1991 онд ОУХМ Л.Сэргэлэнбаатар,
• 1999 онд МУГТ О.Пүрэвбаатар нар алтан медаль хүртэж байсан түүхтэй.

Тэгвэл 27 жилийн дараа эрэгтэй бөхчүүдээс дахин алтан медальтан төрж, Монгол бөхийн нэр төрийг ийнхүү дэлхийд дахин дуурсгалаа. Б.Мөнх-эрдэнийн энэ удаагийн хамгийн онцлох барилдаан бол тухайн жингийн отгон дэлхийн аварга Хойд Солонгосын бөх Хан Чон Соныг техникийн илт давуу байдлаар яллаа. 

Мөн  тус тэмцээнд ҮШБ-ийн тамирчин ОУХМ Хүрэлхүүгийн Болортуяа 59 кг-ын жинд хүрэл медаль хүртсэн бол 65кг-ын жинд өрсөлдсөн Дэлхийн аварга шалгаруулах тэмцээний хүрэл медальт ОУХМ Түвшинжаргалын Энхжин хүрэл медалийн эзэн боллоо.

Эх сурвалж: Монголын чөлөөт бөхийн холбоо