GoGo.mn сайт “Монос Хүнс” ХК-тай хамтарч эрэгтэйчүүдийн эрүүл мэндэд тулгамдсан асуудлаар зөвлөгөө, мэдээлэл өгөх зорилго бүхий “Хэнэгтэй байя” цэс нээж, нарийн мэргэжлийн эмч нарын ярилцлагыг цувралаар хүргэсэн билээ.

Архи, тамхины зохисгүй хэрэглээ, амьдралын буруу хэвшлээс шалтгаалсан халдварын бус өвчинд монгол  эрэгтэйчүүд олноороо өртөж, амь нас эрүүл мэнд, амьдралын чанараа алдаж байгааг эмч мэргэжилтнүүд хэлж анхааруулсаар буй юм.  

Үндэсний статистикийн хорооны 2021 оны мэдээгээр монгол хүний дундаж наслалт 71, эмэгтэйчүүдийн дундаж наслалт 76.5 бол эрэгтэйчүүдийнх 67 байна. Эрэгтэй, эмэгтэй хүний дундаж наслалтын зөрүү 9.5 байна. 

Эрэгтэйчүүд халдварт бус өвчинд өртөх эрсдэл 2021 оны статистикаар эмэгтэйчүүдээс 1.5 дахин өндөр байгааг НЭМҮТ-өөс мэдээлэв. 2021 оны статистикаар манай улсад жилд 5981 хүн хавдраар оногшлогдож, 4559 гаруй хүн хорт хавдрын улмаас хорвоог орхижээ.

Эрэгтэйчүүдэд тохиолдох хорт хавдрын нэгдүгээрт элэг, хоёрдугаарт ходоодны хорт хавдар бичигддэг. Ходоодны хорт хавдраар жилд 1000 хүн оношлогдож байгааг 600 гаруй нь эрэгтэй, 300 нь эмэгтэйчүүд байна. 

Улсын нэгдүгээр төв эмнэлгийн уушгины эмч Ц.Батцэнгэл “Монголд эрэгтэйчүүдийн 48 хувь нь тамхи татдаг, тамхины хэрэглээ өндөртэй гэсэн судалгаа бий. Эрэгтэйчүүдийн тамхины хэрэглээ өндөр байгаа нь амьсгалын замын өвчин, тэр дундаа уушгины өвчинд өртөхөд нөлөөлж байна” гэв. 

Осол, гэмтэл, бусдад хорлогдох зэрэг нь Монгол Улсын хүн амын нас баралтын 17 хувийг эзэлж байна. 

Монгол Улсын Ерөнхий прокурорын газрын сургалт, судалгааны төвөөс анх удаа амиа хорлолтын суурь судалгааг хийж, 2012-2016 оны хооронд амиа хорлосон 2055 тохиолдлыг судалж, санамсаргүй түүврийн аргаар эрүүгийн 400 хэргийг сонгон дүн шинжилгээ хийсэн байна. Бага, суурь, бүрэн дунд боловсролтой хүмүүс илүү их амиа хорлосон ба тэдний 47% нь ажилгүй байжээ. 

Та эрэгтэйчүүдийн эрүүл мэндийн талаар тэдэнд түгээмэл тохиолдож буй хавдар, зүрх судас, ходоод, хоол боловсруулах замын эмгэг, сэтгэл зүйн асуудлаар нарийн мэргэжлийн эмч нарын өгсөн дараах зөвлөгөө, ярилцлагыг УНШИХ, СОНСОХ  боломжтой. 

• Н.Баясгалан: Хоолоо нэмж идмээр санагдах үед л болих хэрэгтэй
• М.Чинзориг: Ходоодны хорт хавдраар эрэгтэйчүүд эмэгтэйчүүдээс хоёр дахин их өвчилж байна
• Ц.Батцэнгэл: Тамхичин хүмүүс хий ханиалгыг тоохгүй олон жил явдаг нь эрүүл мэнд, амь насанд ч аюултай
• Н.Баярмаа: Цээж хорсохыг тоохгүй удаан явбал улаан хоолойн хавдраар өвчлөх эрсдэлтэй
• Т.Ганцэцэг: Эрчүүд хүчирхийлэлд өртөж байгаагаа мэддэггүй

                                                                              Дата эх сурвалжууд: НЭМҮТ, ҮСХ, Жендерийн үндэсний хороо  
                                                                              Инфрографикийг А.Эрхэмбаяр