УИХ-ын чуулганы нэгдсэн хуралдааны баасан гарагийн хуралдаан эхэллээ. Өнөөдөр дараах асуудлуудыг хэлэлцэнэ. Үүнд,

1. Монгол Улсын Үндсэн хуулийн цэцийн 2025 оны 05 дугаар дүгнэлт /Хувь хүний орлогын албан татварын тухай хуулийн 21 дүгээр зүйлийн 21.1 дэх хэсэг Монгол Улсын Үндсэн хуулийг зөрчсөн эсэх маргааныг хянан шийдвэрлэсэн тухай
2. Нийгмийн даатгалын үндэсний зөвлөлийн гишүүнийг томилох, чөлөөлөх тухай асуудал
3. Олон хүүхэд төрүүлж өсгөсөн эхийг урамшуулах тухай хуульд өөрчлөлт оруулах тухай хуулийн төсөл /Улсын Их Хурлын гишүүн Д.Үүрийнтуяа нарын 6 гишүүн 2025.06.24-ний өдөр өргөн мэдүүлсэн, хэлэлцэх эсэх, асуулт, хариулт 60 минут
4. Харьяатын тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төсөл /Улсын Их Хурлын гишүүн П.Сайнзориг нарын 9 гишүүн 2025.06.19-ний өдөр өргөн мэдүүлсэн, хэлэлцэх эсэх, асуулт, хариулт 60 минут
5. Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2025.06.20-ны өдөр өргөн мэдүүлсэн, хэлэлцэх эсэх, асуулт, хариулт 60 минут/
6. Монгол Улсын 2025 оны төсвийн тухай хуульд өөрчлөлт оруулах тухай, Үндэсний баялгийн сангийн 2025 оны төсвийн тухай хуульд өөрчлөлт оруулах тухай, Нийгмийн даатгалын сангийн 2025 оны төсвийн тухай хуульд өөрчлөлт оруулах тухай, Эрүүл мэндийн даатгалын сангийн 2025 оны төсвийн тухай хуульд өөрчлөлт оруулах тухай хуулийн төслүүд /Засгийн газар 2025.06.25-ны өдөр өргөн мэдүүлсэн, дөрөв дэх хэлэлцүүлэг/

“Барбадос Улстай дипломат харилцаа тогтоох тухай” Улсын Их Хурлын тогтоолын төслийг хэлэлцэж байна. Төсөлтэй холбоотойгоор УИХ-ын гишүүд үг хэлж байна. 

УИХ-ын гишүүн Г.Лувсанжамц: Барбадос улстай дипломат харилцаа тогтоож байна гээд харилцан визгүй зорчих талаар байж болохгүй. Хэдийгээр жижиг улс ч гэсэн суралцах зүйл ихтэй. Би Барбадост зөвлөхөөр ажиллаж байсан туршлагатай. 300 мянга хүрэхгүй хүн амтай жижиг улс хэдий ч жилд 1.3 сая жуулчин хүлээн авч байна. Өөрсдийн брэндийг хөгжүүлж, улс орны нөхцөл байдлаар тун сайнаар ажиллаж ийм хэмжээний жуулчныг хүлээж аваад байна. Эхлээд дотооддоо өөрсдийн бүтээгдэхүүн, үйлчилгээг таниулж түүгээрээ жуулчин татдаг. Аялал жуулчлалын салбарт хамтарч ажиллах, туршлага солилцох боломж байгаа юу?

Ажлын хэсэг: Хамтын ажиллагааны хүрээнд туршлага солилцох, хамтарч ажиллах боломжууд бий. 

Ингээд санал хураахад өнөөдрийн хуралдаанд оролцсон гишүүдийн дийлэнх нь хуулийн төслийн үзэл баримтлалыг дэмжив.