АНУ-ын ерөнхийлөгч Дональд Трамп Ираны боомтуудад тавьсан бүслэлтээ тус улстай хэлэлцээ хийх хүртэл цуцлахгүй хэмээн мэдэгдлээ. 

Тодруулбал талууд Ормузын хоолойг арилжааны хөлгүүдэд нээхээр тохиролцож, бямба гарагт нээж буйгаа мэдэгдсэн. 

Гэхдээ АНУ-ын талаас Ираны боомтуудыг чиглэсэн бүслэлтээ хэвээр үлдээсэн. 

Үүний хариуд Иран улс Ормузын хоолойг дахин хааж буйгаа зарласан юм. 

Трамп долоо хоног орчмын өмнөөс эхлүүлсэн уг бүслэлт нь "Ираныг бүрэн сүйрүүлж байна" хэмээгээд "АНУ илт давуугаар ялж байна" гэж цахим сүлжээндээ нийтэлжээ. 

Бүслэлт эхэлснээс хойш АНУ-ын зэвсэгт хүчин нийт 27 хөлгийг Ираны боомт руу буцахыг шаардсан гэж АНУ-ын Төв командлал мэдээлжээ.

Мөн ням гарагт бүслэлтийг нэвтрэхийг оролдсон Ираны далбаатай ачааны хөлгийг АНУ анх удаа саатуулж, хураан авсан байна.

Талууд хоёр долоо хоногийн хугацаатай гал зогсоохоор тохиролцсон бөгөөд энэ хугацаа лхагва гаргаар дуусгавар болж буй. 

Хоёр дахь шатны энхийн хэлэлцээг Пакистанд зохион байгуулах эсэх нь тодорхойгүй байна. 

Эх сурвалж: ВВС