Роберт Хансэнийг ЗХУ, ОХУ-ын талд 20 орчим жил тагнуулчаар ажилласанд буруутган 2002 онд бүх насаар нь хорих ял оноожээ. Тэрээр АНУ-ын Холбооны мөрдөх товчооны ажилтан байсан аж.

79 настай байсан түүнийг Америкийн түүхэн дэх хамгийн их хор хөнөөл учруулсан тагнуулч гэдэг. Түүнийг маш сайн харуул хамгаалалттай шоронд хорьж байжээ.

Түүнийг өрөөндөө хөдөлгөөнгүй хэвтэж байхыг мэдээд эмнэлгийн тусламж үзүүлсэн ч амийг нь аварч чадаагүй аж. Шоронгийн удирдлагууд түүний үхлийн шалтгааныг мэдээлээгүй байна.

Роберт Хансен 1976 онд Холбооны мөрдөх товчоонд ажилд орж, 1985 оноос ЗХУ-ын талд маш нууцаар мэдээлэл дамжуулж эхэлсэн. 2001 онд түүнийг баривчлахад 1.4 сая ам.долларын төлбөрийг оросуудаас авсан байжээ. Америкийн тагнуулчид чухам хэн мэдээлэл дамжуулж буйг мэдэхийн тулд 300 мөрдөгч ажиллуулсны үр дүнд Робертыг цэцэрлэгт хүрээлэнд мэдээлэл дамжуулах үеэр баривчилсан байна.  

Түүнийг хорьж байсан Флоренцын хорих ангид Аль Кайдагийн ахлагч Зэкэриа Мусави (бүх насаараа хоригдох ялтай), 2013 оны дөрөвдүгээр сарын 15-нд Бостоны марафоны үеэр бөмбөг дэлбэлсэн Жохар Царнаев нарыг хорьж байна.

Эх сурвалж: BBC