Мобиком групп 30 жилийн ойдоо зориулан хэрэглэгчидтэйгээ хамт дурсамж бүтээх “Red Show”-г  зургаадугаар сарын 27-нд "SocialPark"-д зохион байгуулах гэж байна. Тус тоглолтод Монголын хөгжмийн ертөнцийн 3 онцгой уран бүтээлч нэгэн тайзнаа нэгдэх ч тэдний нэрс одоогоор нууцлаг хэвээр байгаа юм.

Харин энэ нууцын эхлэл аль хэдийн тавигджээ. Хуучны дурсамж, танил аялгуу, мартагдашгүй мөчүүдийг өгүүлэх түүхүүд комик хэлбэрээр үзэгчдийн өмнө нэг нэгээрээ дэлгэгдэж эхэллээ.

Үүний зэрэгцээ хүмүүсийн дунд “Энэ уран бүтээлч хэн бэ?” гэх таамаг цахим орчинд хөвөрсөөр. Магадгүй таны хайрлаж хүндэлдэг тэр л уран бүтээлч байхыг үгүйсгэхгүй юм.

 Тэгвэл “Red Show”-ны эхний артист хэн байх бол?

11 настай бяцхан охин өнөр бүлээрээ амьдарна. Нэг том өрөө, тусдаа гал тогоотой байшинд тэд хамтдаа хооллож, тоглож, зурагт үзэж, заримдаа бүгд нэг дор газар гудас дэвсэж унтана.

90-ээд оны хаврын эхэн сарын нэгэн бямба гарагийн өглөө. Тэд их цэвэрлэгээ хийсний дараа "өглөө цай чанах ус үлдээхгүй яав аа?” хэмээн хоосон усны сав руугаа харах аав, ээж хоёрынхоо яриаг охин чимээгүйхэн сонсоно.

Энэ үед тэрээр "шүүдрийн дуслаар цай чанавал ээжийнхээ ачийг хариулдаг" гэдэг үгийг санаж анх удаагаа усанд явахаар зориглосон нь түүний хүсэл мөрөөдлийнх нь эхлэл болжээ.

Мэдээж түүний явах зам санасан шиг нь амар байсангүй. Айлын хашаануудын хажуугаар алхах бүрд олон нохойтой таарна. Тэднийг сэрээчих вий гэсэндээ охин өөрийгөө яг л нинжа мэтээр төсөөлж, чимээ гаргалгүй, болгоомжтой гэгч нь зөөлхөн алхана.

Нэг талаас нохойноос айх айдас, нөгөө талаас холоос зөөж ирсэн усаа асгаж алдахаас эмээх сэтгэл түүнийг алхам бүрт нь дагана. Гэвч тэр бүх айдас, түгшүүрээ даван туулсаар гэрийн зүг алхсаар л байлаа.

Ингээд авсан усаа түрээд гэртээ ирэхэд гэрийнхэн нь хараахан сэрээгүй байв. Охин өөрийгөө нэгэн том баатарлаг үйл бүтээсэн мэтээр дотроо баярлан, “Би ус аваад ирлээ” хэмээн чангаар дуу алдана. Түүний дуунаар гэрийнхэн нь сэрээд “Ямар мундаг юм бэ, миний охин” хэмээн түүнийг магтлаа.

Тэр мөчөөс эхлэн охин гэр бүлийнхэндээ өөрийн үүрэг, үнэ цэнийг ойлгуулж эхэлжээ. Ингэснээр тэр чаддаг зүйлээрээ гэр бүлдээ тусалж, өөрийн хөдөлмөрийн үнэ цэнийг мэдэрч эхэлсэн юм.

"Red Show"-ны тайзнаа мянга мянган зүрхэнд хоногших тэр нэгэн дуу хоолойны эзэн хэн байгаа бол? Комикт нуугдсан дурсамжуудыг анзаарч, өөрийн таамгаа бидэнтэй хуваалцаарай.

Та тасалбараа авч амжаагүй бол яг одоо  ЭНДЭЭС  захиалаарай.