Баяр наадмын тасалбарыг маргааш өглөө 07.00 цагаас эхлэн enaadam.mn сайтаар борлуулж эхэлнэ. Нэг иргэн хоёр тасалбар авах боломжтой. 

Баяр наадмын нээлтийн ёслол, бөхийн барилдаан зэрэг Төв цэнгэлдэх хүрээлэнд болох арга хэмжээний 7-р сарын 11, 12-ны өдрийн тасалбарын багц суудлаас хамаарч, 100, 130, 150 мянган төгрөгийн үнэтэй.

Харин орой Цэнгэлдэх хүрээлэнд болох баярын концертын тасалбарыг ticket.mn-ээр борлуулах ба иргэд хүссэн тоогоороо авах боломжтой.

Баяр наадмын төсвийг Нийслэлийн Засаг даргын тамгын газрын 2025 оны төсөвт суулгасан 5 тэрбум төгрөгийн хүрээнд зарцуулна. Үүн дээр билетийн орлогыг наадмын үйл ажиллагаанд зарцуулахаар төлөвлөсөн гэж мэдээлэв.

Үндэсний их баяр наадам зохион байгуулах хорооноос өнөөдөр 13.00 цагт мэдээлэл хийнэ. 

Энэ жилийн баяр наадмын ерөнхий зохион байгуулалт, наадмын хөтөлбөр болон наадмын нээлт, хаалтын концертын тасалбар борлуулах, наадамчдын автомашины зөвшөөрөлтэй холбоотой зэрэг олон асуудлаар мэдээлэл өгөх юм байна.