УИХ-ын намрын чуулган ирэх сард эхэлнэ. Чуулганаар хамгийн түрүүнд 2025 оны улсын төсвийн хууль, Үндэсний баялгийн сангийн тухай, Нийгмийн даатгалын тухай гэх мэт дагалдан өргөн барьсан хуулийн төслүүдийг хэлэлцэнэ.

Сангийн яамны боловсруулсан улсын төсвийн төсөлд зааснаар манай улс ирэх онд 2.2 их наяд, 2026 онд 5 их наяд төгрөгийн өр төлбөрийг төлнө.

Ирэх онд  зөвхөн хүүгийн төлбөрт 1.3 их наяд төгрөг төлөх юм.   

Төсвийн хуульд жил бүр ДНБ-ий 2 хувьтай тэнцэх мөнгөн дүнгээр өр төлбөр төлнө гэсэн заалтыг оруулснаараа ирэх жилийн төсвийн хууль онцлогтой. Манай улсын ДНБ өсөх хэрээр өр төлбөрийн барагдуулалт сайжирч, тэр хэрээр Засгийн газрын зээл буурах юм.