Монгол Улсад нэн шаардлагатай уламжлалт дэд бүтцүүдийг технологийн шийдлээр цахим шилжилтэд нэгтгэж логистик, худалдаа, хөдөө аж ахуй, боловсрол гэх мэт 10 гаруй чиглэлд үйл ажиллагаагаа өргөжүүлэн тэлсээр байгаа TechPack – MCS Software Group нь “Opportunities Conference” арга хэмжээг 2024.05.31-ний өдөр Шангри-Ла зочид буудлын хүлээн авалтын танхимд зохион байгуулж нийт 500 гаруй бизнесийн төлөөллүүд цуглан хамтын ажиллагааны боломжуудаа ярилцаж, хамтарч бизнесийн цар хүрээгээ дотоод болон гадаадын зах зээлд тэлэх бодит алхмуудыг хэлэлцжээ.

Арга хэмжээний үеэр зохион байгуулагчдын зүгээс жижиг дунд бизнес эрхлэгчээс эхлээд томоохон үндэсний үйлдвэрлэгч компаниудад хүртээмжтэй олон талт шийдлийг санал болгож байсан нь олон бизнес эрхлэгч нарын талархлыг хүлээж, бизнестээ технологийн дэвшлийг ашиглах бодит гарц гаргалгааг салбарын тэргүүлэгч байгууллагуудын жишээн дээр санал болгосон нь уг арга хэмжээний онцлог байлаа.

Технологийн хөгжил уламжлалт салбаруудад хүч түрэн орж ирж буй өнөө цагт дотоодын бизнес эрхлэгч нар хэрхэн дэд бүтцээ угсрах томоохон хөрөнгө оруулалтын зардалгүйгээр цаг үетэйгээ хөл нийлүүлэн алхаж технологид суурилсан бизнесийн үсрэлт хийх нь өнөө цагт тулгамдаад байгаа нэн чухал сэдэв юм.

Дэлгэрэнгүй танилцах холбоос:

• TechPack Group
• Facebook
• Instagram