• Монголын Mobile Legends-ын шигшээ баг Азийн аваргаас дэд байр эзлэв
• Тэд наймдугаар сард болох ДАШТ-д оролцох эрхээ авлаа

Монголын Mobile Legends-ын шигшээ баг Азийн аварга шалгаруулах тэмцээнд дэд байр эзэлж дэлхийн аварга шалгаруулах тэмцээнд оролцох эрхээ авлаа.

International Esports Federation (IESF) буюу Олон улсын электрон спортын холбооноос электрон спортуудын ДАШТ-ийг 15 дахь удаагаа зохион байгуулна. Энэ удаагийн наадам Румын улсын Яш хотод найм болон есдүгээр саруудыг дамнан болно.

Тус наадмын "Mobile Legends Bang Bang" төрлийн Азийн сонгон шалгаруулалт буюу "IESF World Esports Championship 2023 - Asia & Oceania Qualifier" тэмцээн болоход Филиппиний шигшээ баг Монголын шигшээ багийг хожиж түрүүллээ.

Нийт найман баг оролцсон тэмцээний таван баг нь ДАШТ-д оролцох эрх авсан бөгөөд Монголын шигшээ баг дэд байр эзэлж 3,500 ам.долларын шагнал болон ДАШТ-ий эрхээ халааслав.

• Монголын Dota 2-ын шигшээ баг ДАШТ-д оролцоно
• Gaiming Gladiators 2023 оны гурван major-т дараалан түрүүллээ
• Монголын CSGO-ын аваргаар "The MongolZ" тодорлоо

Энэ оны наймдугаар сарын 25-аас есдүгээр сарын 3-ны хооронд болох ДАШТ нь MLBB спортын хувьд "A" зэрэглэлийн тэмцээн юм.

Тэмцээнд өнгөрсөн жилийн аварга Индонез, зохион байгуулагч Румын Хойд Америкийн нэг, Өмнөд Америкийн хоёр, Африкийн 3, Европын 3, Азийн тав нийт 16 баг оролцоно.

Дэлхийн аварга болсон баг 50 мянган ам.доллар авах бол дэд байр 30, гуравдугаар байр 20 мянган ам.доллар авна.

Монголын шигшээ багийг Team Lilgun багийн тоглогчид болох Aizn, Zxaura, Forbid, Bebex, Ethan нар бүрдүүлж байна.