Монголын Чөлөөт бөхийн үндэсний шигшээ багийн дасгалжуулагч, зөвлөх багшаар Японы алдарт дасгалжуулагч Казухито Сакай ажиллаж байна. 2026 оны Насанд хүрэгчдийн улсын аварга шалгаруулах тэмцээн амжилттай өндөрлөмөгц Чөлөөт бөхийн үндэсний шигшээ баг олон улсын тэмцээнүүдэд оролцох бэлтгэлийн дараагийн шатанд албан ёсоор шилжжээ.
 
Япон улсын алдарт дасгалжуулагч, олон улсын түвшинд хүлээн зөвшөөрөгдсөн мэргэжилтэн Казухито Сакай үндэсний шигшээ багийн дасгалжуулагчдын багийн хамтаар төлөвлөгөөт бэлтгэлээ эхлүүлж, тамирчдын бие бялдар, техник, тактик, сэтгэлзүйн бэлтгэлийг цогцоор нь шинэ шатанд гаргахад чиглэсэн ажлуудыг хэрэгжүүлж байна.

Тус бэлтгэлийн хүрээнд улсын аваргаар шалгарсан болон шигшээ багийн өргөтгөсөн бүрэлдэхүүнд багтсан тамирчдыг олон улсын стандарт, орчин үеийн сургалтын арга зүйд тулгуурлан бэлтгэж, ойрын хугацаанд болох тив, дэлхий, олон улсын чанартай тэмцээнүүдэд амжилттай оролцохын тулд бэлтгэлдээ шуурхайлан оржээ.

Зөвлөх багш Казухито Сакай, 2028 оны Лос-Анжелесийн олимпт амжилттай оролцох зорилгоор төлөвлөгөөт бэлтгэлээ хийж байна. Монголд бэлтгэлээ хийхээс гадна Японд очиж хамтарсан бэлтгэл хийнэ гэв.