Монгол Улсад цахилгаан мотор, туслах хөдөлгүүрээр тоноглогдсон мопед, унадаг дугуйн импорт сүүлийн жилүүдэд эрчимтэй нэмэгдсэнийг Гаалийн ерөнхий газраас мэдээллээ. 

2022 онд 1065 ширхэг байсан импорт 2025 онд 12693 ширхэгт хүрч, 3 жилийн хугацаанд 10 дахин өссөн үзүүлэлттэй байна. Үнийн дүн мөн 1.47 сая ам.доллараас 4.74 сая ам.доллар болж нэмэгджээ. Тухайлбал,

• 2022 онд 1065 ширхэг, 1.47 сая ам.доллар
• 2023 онд 4625 ширхэг, 2.52 сая ам.доллар
• 2024 онд 7795 ширхэг, 3.38 сая ам.доллар
• 2025 онд 12693 ширхэг, 4.74 сая ам.доллар 

Тэгвэл цахилгаан моторт дугуй, мопед, суррон, скүүтертэй холбоотой осол гэмтлийн тоо сүүлийн гурван жилд 3 дахин нэмэгдсэн гэдгийг Гэмтэл согог судлалын үндэсний төвөөс мэдээлэв. Тодруулбал, 

• 2022 онд - 50, 
• 2023 онд - 305, 
• 2024 онд - 532, 
• 2025 онд 2820 хүн гэмтэж бэртсэн байна.