Эрүүл мэндийн яам, Нийгмийн эрүүл мэндийн үндэсний төв  санаачлан Монгол Улсын Ерөнхийлөгчийн Тамгын газар, БШУЯ, ЭМДЕГ, ГБХЗХГ, БЕГ болон аймаг, нийслэлийн Эрүүл мэндийн газар, СЭМҮТ, Монголын оюутны холбоо, хамтран оюутны эрүүл мэндийг дэмжих сарын аяныг "Эерэг хандлага-Эрүүл оюутан" уриан дор зохион байгуулахаар болж, аяны нээлтийг өнөөдөр хийлээ.

Энэ үеэр ЭМЯ-ны Төрийн нарийн бичгийн дарга Ц.Эрдэмбилэг "Ж.Энхцэцэгийн оронд “Амгалан” амаржих газрын дарга Ц.Батболдыг түр томилсон. Учир нь Ж.Энхцэцэг дарга сонгон шалгаруулалттай холбоотой заалтуудыг өөрчилсөн. Амаржих газрын бүтэц, орон тоо, дүрмийг Эрүүл мэндийн сайдын тушаалаар баталсан байтал өөрчилсөн. Өөрийн эрх үүргээ дэд захирлууд руу шилжүүлсэн. Санхүүгийн үйл ажиллагаатай холбоотой доголдлууд гаргасан. Эдгээрийг манай Хяналт шинжилгээ, үнэлгээ, дотоод аудитын газраас тогтоосон.

Наймдугаар сарын 22-нд зөвлөмж албан бичгээр хүргүүлсэн. Нэг сарын хугацаанд зөрчлөө засаж залруулах чиглэл өгсөн. Өнгөрсөн сард манай яамны мэргэжилтнүүд хэрэгжилтийн биелэлтийг газар дээр нь шалгасан. Гэтэл зөрчлүүд нь хэвээрээ байсан. Мөн тус эмнэлгийн ажилтнууд энэ хүний харилцаа, ёс зүйтэй холбоотой гомдлууд гаргасан. Иймд яамны дэргэдэх Эмнэлгийн мэргэжлийн ёс зүйн хороо шалгалт хийсэн. Энэ хороонд яамнаас нэг л мэргэжилтэн оролцдог.  АШУҮИС-ийн Нийгмийн эрүүл мэндийн сургуулийн багш энэ хороог тэргүүлдэг, нийт 15 хүний бүрэлдэхүүнтэй.

Эмнэлгийн албан хаагчидтай уулзан, мэдээлэл цуглуулж, асуумж авсан. Ингэхэд Төрийн захиргааны болон үйлчилгээний дүрмийн ёс зүйн дүрмийн 12 заалтыг зөрчсөнийг илрүүлсэн шийдвэрийг бидэнд танилцуулсан. Иймд С.Энхболд сайд Ж.Энхцэцэг даргыг дуудаж уулзан, энэ талаар тайлбар авахад Ж.Энхцэцэг дарга хүлээн зөвшөөрөөгүй" гэв.