Хуваарилалтаас хагас хуримтлалын тогтолцоонд шилжих эхлэл тавигдаж тэтгэврийн нөөцийн сантай боллоо. Тэтгэврийн шинэчлэл-Тэтгэврийн нөөц сангийн нээлт болж байна.

Уг шинэчлэлийн талаар Л.Энх-Амгалан сайд танилцуулж байна.

Тэрээр "2024 оны нэгдүгээр сарын 1-нээс эхлэн тэтгэврийн хагас хуримтлалын тогтолцоонд шилжиж, НДШ-ийн хоёр хувийг мөнгөн хэлбэрээр хуримтлуулж эхэлсэн. Хуримтлалын нэрийн дансанд иргэн бүрт данс нээсэн. Хуримтлалын санд 497 тэрбум төгрөгийн үлдэгдэл болсон байна. Ирэх жилүүдэд энэ хуримтлал 1 их наяд хүрэхэд ипотекийн зээлийг нэмнэ. Өнөөдөр 1.5 сая иргэний нэр дээр тэтгэврийн сангийн хуримтлалын сангийн данс нээгдэж байна.

Энэ санд 212 тэрбум төгрөгийн хуримтлал үүсжээ. Цаашид хуримтлалаа нэмэх ёстой. Үндсэндээ манай улсын тэтгэврийн тогтолцоо шинэчлэгдэж байна. Хуваарилалтаас хагас хуримтлалын тогтолцоонд шилжих эхлэл тавигдаж байна. Тэтгэврийн санд маш их ачаалал үүссэн. Энэ бол эрх баригчдын буруу шийдвэрээс үүдэлтэй. 2026 онд тэтгэврийн сангийн алдагдал 2.5 их наядад хүрэх эрсдэл үүсэж байна. Өнөөдрийн байдлаар энэ санд 4.7 их наяд төгрөгийн ачаалал ирсэн. Энэ их ачаа татвар төлөгчдийн нуруунд ирсэн.

Дэлхийн банк, Олон улсын валютын сангаас олон зөвлөмж өгссөн. Ирээдүйд монгол иргэн тэтгэвэрт гарахдаа олон эх үүсвэрээс тэтгэвэр тогтоолгох хэрэгтэй.

Хүн тэтгэвэрт гараад амьдралд хүрэлцэхүйц мөнгөн дүнгээр тэтгэвэр авах ёстой. Мөн шударга байх ёстой. Гэтэл нэг хэсэг нь хуулийн цоорхойгоор жилээ илүү тооцуулах, шимтгэлээ илүү тооцоолоод гарчихдаг. Түүнчлэн тэтгэврийн сан тогтвортой байх ёстой.

Насаараа НДШ төлсөн мөртлөө тэтгэврээ бага тогтоолгож байхад хувийн хэвшилд ажиллаж буй өндөр орлоготой иргэд сүүлийн 5 жилийнхээ өндөр орлогоор тэтгэврээ тогтоолгож байна. Энэ бол шударга бус" гэв.

Дэлгэрэнгүй дараах видеоноос үзнэ үү.

.