АҮЭБ-ийн дэд сайд Б.Энхтүвшин шатахуунтай холбоотой цаг үеийн асуудлаар мэдээлэл хүргэлээ.

Тэрээр, Өнөөдрийн байдлаар 78,061 тонн АИ-92, 4795 тонн АИ-95 автобинзен болон 201,458 тонн дизель түлш, 11,267 тонн онгоцны түлш улсын хилээр импортолж, түгээлт хангалтын ажлыг хийж гүйцэтгэлээ.

Мөн одоогоор нийт 164 вагон буюу 10 мянган тонн АИ-92 автобинзен замдаа явж байна. Ингээд үзэхэд энэ сарын шатахууны нийлүүлэлт 100 хувь хангагдлаа гэж үзэж байна.

Түүнчлэн ирэх нэгдүгээр сарын шатахууны захиалгаа хийлээ. Тодруулбал, 136,470 тонн АИ-92 болон АИ-92 автобинзен худалдан авах захиалгаа баталгаажуулсан. Энэ нь өмнөх сараас 10 орчим хувиар нэмэгдсэн дүнтэй байна.

Иймд 1, 2-р сард шатахуун нийлүүлэлт харьцангуй тогтвортой, хэвийн байх болно гэдгийг хэлмээр байна" гэв.