Технологийн салбарт 15 жил ажиллан, сүүлийн 6 жилд IT салбарт чадварлаг мэргэжилтэн бэлтгэхэд хувь нэмэр оруулж яваа iCode Academy-ийн мастер багш Ө.Хангайхүүтэй ярилцлаа.

- Сайн байна уу? iCode Academy-н зарлаад буй IT EXPERT 10 тусгай төслийн зорилгын талаар яриагаа эхэлье.
- Сайн, сайн байна уу? Бид технологийн салбар нь хамгийн богино хугацаанд Монголын экспортын томоохон салбар болох боломжтой гэж итгэдэг. Тийм ч учраас богино хугацаанд чанартай мэдлэг эзэмшүүлж, Монголдоо амьдрангаа гаднын томоохон төслүүд, ажлууд дээр ажиллах чадвартай IT экспертүүд бэлдэх нь iCode Academy-н зорилго юм.

Бид энэ зорилгоо биелүүлэхийн тулд олон улсын хөтөлбөр болон компаниудтай хамтын ажиллагааг эхлүүлэхээр тогтмол ажиллаж байна. Үүний хамгийн анхных нь олон улсад хүлээн зөвшөөрөгдсөн Канадын тусгай хөтөлбөрийг амжилттай нэвтрүүлж, тус хөтөлбөрийн анхны суралцагчдаа төгсгөсөн явдал байлаа.

IT EXPERT 10 төсөл маань ч мөн манай академийн үндсэн зорилготой ижил. Яг энэ чанартай хөтөлбөрөөр 10, 10-хан буюу цөөн тооны суралцагч нартай 3-н сар тулж ажиллан, чадварлаг IT мэргэжилтэн гаргах зорилготой төсөл юм.

ТӨСӨЛД БҮРТГҮҮЛЭХ

- Канадын тусгай хөтөлбөрийн талаар дэлгэрэнгүй ярилцъя. Бусад хөтөлбөрүүдээс яг юугаараа онцлог юм бэ?
- Энэ нь “Project based” буюу төсөлд суурилсан хөтөлбөр гэдгээрээ онцлог. Суралцагч код бичих талаар ямар ч мэдлэггүй байсан ч 3-хан сарын дотор апп бүтээж чаддаг болох боломжтой хөтөлбөр гэсэн үг.

Яагаад гэхээр, Суралцагч эхний өдрөөс эхлэн онолын агуулгаа үзээд, шууд апп бүтээх бодит төсөл дээр ажиллаж, сурсан зүйлээ туршиж, хэрэгжүүлээд явна гэсэн үг. Мэдээж сургалтын турш Мастер болон Туслах багш нар нь тулж ажиллана. Ингэхдээ тухайн суралцагчийн чадахгүй байгаа, гацаж байгаа зүйлс дээр нь зааварлаж, тухайн мэдлэгийг 100% чадвар болгоход туслаад явдаг зарчимтай.

- IT салбар нь  жил ирэх тусам л илүү хөгжиж үүнийгээ дагаад тус чиглэлээр сурч ажиллах хүсэлтэй хүмүүс ч мөн нэмэгдсээр байна. Тэгвэл та энэхүү салбарт орох эсэхээ шийдэх гэж буй хүмүүст зориулж зөвлөгөө өгөөч?
- Юун түрүүнд зорилгоо сайн тодорхойлох хэрэгтэй. IT салбарт орсноор таны амьдралын зорилго, ажлын карьерт тань ямар өөрчлөлт гарах вэ? гэдгээ сайн тунгаан бодсоны эцэст тус салбарт орох эсэх шийдвэрээ гаргах хэрэгтэй.

Үүний дараа сууриа маш зөв тавих хэрэгтэй. Одоо бол бид маш их мэдээллийн урсгал дунд амьдарч байна. Тиймээс энэ олон мэдээлэл дунд төөрөхгүйгээр хамгийн анхны буюу суурь мэдлэгээ зөв авах нь маш чухал.

Мэдээж үүнд, “Цэгцтэй онолын мэдлэг + Уялдаа холбоо бүхий практик дадлага + Чадварлаг ментор, багш” байвал маш сайн. Код бичиж сурах тийм ч амар биш, тиймээс цаг алдахгүйн тулд энэ 3 зүйлийг анхаарах хэрэгтэй.

- Энэхүү салбарт орохоор шийдээд байгаа хүмүүст зориулж тусгай хөтөлбөрийнхөө талаар мэдээлэл өгөөч?
- Манайх 3 сард нэг л удаа элсэлт авдаг. Элсэлт авахдаа суралцагч бүртэй тулж ажиллах үүднээс 1 ангид 10 суралцагч л авдаг.

Энэ удаагийн элсэлт маань 9 сарын 11, 18-ны өдрүүдэд тус тус эхэлнэ. “Мобайл апп хөгжүүлэгч”, “Веб хөгжүүлэгч”, “UI/UX дизайнер бэлтгэх” 3 сар, 6 сарын сургалтуудаас өөрт тохирох ангиа сонгон манайд суралцах боломжтой.

ХӨТӨЛБӨРТ ХЭРХЭН БҮРТГҮҮЛЭХ ВЭ?

Та  манай хөтөлбөрийн дэлгэрэнгүй мэдээлэл болон хөтөлбөртөө дараах сувгуудаар бүртгүүлээрэй.

Утас: 7575-7515, 9400-9229

ФБ хуудас: https://www.facebook.com/iCode.Academy.mn

Веб хуудас: https://icode.mn

📍Хаяг: Тэнгис кино театрын урд MN Tower 1011 тоот