Монголын Морин Спорт, Уяачдын Холбооны VIII Их хурал “Уламжлалт-Шинэчлэл-Хариуцлага” уриатайгаар өнөөдөр (2024.12.02) Төрийн ордонд болно. Энэ хурлаар холбооны ерөнхийлөгчийг сонгох аж. Холбооны ерөнхийлөгчид:

• Улсын тод манлай уяач Пунцагбалжирын Энхмөнх
• Улсын тод манлай уяач Дашзэвгийн Дагвадорж
• Улсын манлай уяач Баасансүрэнгийн Нямжав нар нэр дэвшжээ. Тэрбээр одоогоор холбооны ерөнхийлөгчийн үүргийг гүйцэтгэж буй юм.

Сумдын салбар  холбоод хуралдаж хурдан морины уралдаанд тулгамдаад буй асуудлаар өөрсдийн санал дүгнэлтээ нэгтгэн, сумдынхаа уяачдын дуу хоолой болж нэгдмэл байр суурь, үзэл бодлыг илэрхийлэх нэг хүнийг төлөөлөгчөөр сонгон энэхүү хуралд оролцуулж буй юм байна.

ММСУХ-ны Удирдах ажилтны VI зөвлөгөөн өнгөрсөн арваннэгдүгээр сарын 24-нд болсон. Зөвлөгөөнөөр ММСУХ-ны Ерөнхийлөгчид нэр дэвшигчид мөрийн хөтөлбөрөө танилцуулсан. Мөн хурдан морь уралдаанч хүүхдийн эрх, аюулгүй байдал, Монгол үүлдрийн адууны онцлог, Хурдан морины уралдааны дүрмийн хэрэгжилт, нэмэлт өөрчлөлт, Хаврын морин уралдааныг сэргээх зэрэг сэдвээр хэлэлцүүлэг өрнүүлжээ.

Эх сурвалж: ММСУХ