Цахим спортын өнөөдрийн энэ цаг үед дэлхий дахиныг шуугиулж буй “The MongolZ” багийн тухай таны заавал мэдэх ёстой зүйлсийг танилцуулж байна.

1. Тууштай зүтгэл
Юун түрүүнд энэ багийн түүх тэртээ 2013 оноос эхлэлтэй бөгөөд анх Dota 2 багийн бүрэлдэхүүнтэйгээр үүсгэн байгуулагдаж байсан бол 2015 оноос эхлэн CS буюу Counter Strike төрлөөр өргөжиж, өдгөө Монгол Улсдаа төдийгүй олон улсад хүлээн зөвшөөрөгдсөн цахим спортын баг болоод буй. MongolZ багийн бүрэлдэхүүнд Б.Гарьдмагнай “bLitz”, М.Содбаяр “Techno4K”, Б.Өсөхбаяр “910”, Б.Аюуш “mzinho”, М.Азбаяр “Senzu” гэсэн тамирчдаас гадна дасгалжуулагч Б.Эрдэнэдалай буюу maaRaa багтана. “bLitz”, “Techno4k” нарын хувьд багийг анх босголцсон, туршлагатай тамирчдын нэг бол "Mzinho" ахынхаа орон зайг нөхөж, харин "910" хуучин, туршлагатай тамирчны халааг аван орж ирсэн. Тэдний араас "Senzu" багтаа нэгдэж одоогийн “MongolZ” баг бүрэлдсэн түүхтэй.

2. Аваргын төлөөх тэмцэл
MongolZ баг хуучин бүрэлдэхүүнээрээ 2016 онд IEM Taipei-д аваргалсан нь тэдний түүхэнд бичигдэх анхны ялалтуудын нэг байсан. Үүний үр дүнд олон улсын тавцанд гарах эхлэлээ тавьсан юм. Харин одоогийн бүрэлдэхүүнээрээ Yalla Compass 2024 тэмцээнд ялалт байгуулж, мөн онд PGL Major Copenhagen 2024 тэмцээнд Азийн RMR-аас шалгарч анхны стикэрээ авч байв. Хамгийн сүүлд Thunderpick Championship 2024 тэмцээнд түрүүлж аваргууд гэдгээ дахин баталсан юм.

3. Ази тивийн тэргүүлэл
Дэлхийн чансаагаараа эхний 10-т багтаж буй цорын ганц Азийн баг билээ. Valve-ийн чансаагаар дэлхийд тавдугаарт бичигдэж байсан The MongolZ баг саяхнаас эхлэн HLTV-ийн чансаагаар дэлхийд есдүгээрт бичигдэж эхэлсэн. Ингэснээр тэд Украин, Франц, Орос, Германы тэргүүтэй дэлхийн топуудын араас бичигдэж буй Ази тивийн анхны баг болж байна.

4. Тоглогч бүрийн үнэ цэн
Багийн спортод хамгийн чухал нь эв нэгдэл. MongolZ багийн хувьд багийн тоглогч бүр тус тусын үүргээ тултал биелүүлдэг. blitz-ийн багаа чиглүүлдэг уран гоё “call”-ууд, Techno-ийн зоримог, давшсан тоглолт, 910-ын оновчтой, мэргэн буудалт, Mzinho-ийн торгон мэдрэмжтэй тоглолт, Senzu-ийн тэсрэлттэй тоглолт. Мэдээж дасгалжуулагчийн ур ухаан. Энэ бүгд нийлээд MongolZ багийг амжилтад хөтөлсөн юм.

5. Амбиц
Монгол улсын цахим спортын түүхийг бичилцэж буй тэдний хувьд аялал дөнгөж эхэлж байна. MongolZ багийн гол зорилго зөвхөн Counter Strike төдийгүй өндөр зэрэглэлийн Valorant, Mobile Legends төрлүүдэд өрсөлдөж, олон улсын esport-ын ертөнцөд өөрсдийн нэрийг тамгалах явдал. Мөн цаашид Монголын цахим спортын ирээдүйн тамирчид болон багуудын замналыг бэлдэж, олон олон боломжуудыг нээж өгөх үнэ цэнтэй зорилгыг өвөртөлж байна.

6. Итгэл
Тамирчдын хувьд дэмжлэг, урам зориг, тэдэнд өгөх итгэл гэдэг нэн чухал. Дэлхийд чансаагаараа дээгүүрт бичигдэх бодит үр дүн гаргахад ивээн тэтгэгчийн оролцоо асар нөлөөтэй. Өөр улсад очиж олон цагийн бэлтгэл хийх, дэлхийн шилдэг багуудаас туршлага судлах, стандартад нийцсэн бэлтгэлийн байртай байх зэрэг нь тэмцээндээ бүрэн төвлөрч, амжилтаа ахиулах томоохон түлхэц болдог. MongolZ багийн хувьд CS2 төрөлдөө шилдэгт жагсаж буй нь тэдний ивээн тэтгэгч 1XBet-тэй шууд хамааралтай гэж хэлж болно. Европт байрладаг "bootcamp"-т очиж чансаатай багуудын хамт чанартай бэлтгэл хийх бүхий л боломж, бололцоог бүрдүүлж, өнөөдрийн бодит үр дүнд хөтөлсөн билээ. 1XBet шиг найдвартай, тууштай түншүүд нэмэгдэх нь баг тамирчдадаа өгөх бодит дэмжлэг болж, улмаар цахим спортын цар хүрээ тэлэх, спортын хөгжилд онцгой ач холбогдолтой юм.

Цахим спортын домогт MongolZ багийнханд зориулсан ханын зураг Улаанбаатар хотын зүрхэн хэсэгт нээлтээ хийгээд удаагүй байгаа бөгөөд энэхүү онцгой үйл явдалтай зэрэгцэн багийн гишүүд өөрсдийн үнэнч фэнүүдтэйгээ уулзах гэж байна.

Энэ сард буюу арван нэгдүгээр сарын 22-ний өдөр MongolZ баг бүрэн бүрэлдэхүүнээрээ өөрсдийн дэмжигч, фэнүүдтэйгээ уулзаж, баярт мөчөө тэмдэглэх ба уулзалт ROC Caffeine Bar-т зохиогдох юм.

Хайртай багаа дэмжиж, халуун дотно нэгэн өдрийг өнгөрүүлэх энэхүү онцгой боломжийг та бүү алдаарай.