"Монголын эдийн засгийн форум-2025" хоёр дахь өдрөө Төрийн ордонд үргэлжилж байна. Их Британи болон Умард Ирландын Нэгдсэн Хаант улсын Засгийн газрын Экспорт зээлийн агентлаг UK Export Finance (UKEF)-ын төлөөлөл хүрэлцэн ирж чуулганд оролцож байна.

Тэдний зүгээс “Улаанбаатар метро төслийг дэмжих боломжтойгоо илэрхийлсэн. Энэ төсөл хоёр улс хоорондын хамгийн том хамтын ажиллагаа болох гэж байна. Зөвхөн нийтийн тээвэр гэлтгүй Улаанбаатар хотын иргэдийн амьдралд эерэг нөлөө үзүүлэх чухал төсөл юм. Цаашид энэ төсөл амжилттай хэрэгжинэ гэж найдаж байна” хэмээн онцоллоо.

Тус банк Улаанбаатар хот, Монгол Улсын санхүүгийн нөхцөл байдлыг судалж, дүн шинжилгээ хийгээд UKEF-д танилцуулна.

Хотын дарга Х.Нямбаатар "Улаанбаатар хотод барьж байгуулах метроны төсөлд  UKEF байгууллага 3 тэрбум хүртэлх ам.долларын санхүүгийн баталгаа гаргаж өгөх боломжтой гэдэг санал хэлсэн. Ингээд бид өнгөрсөн 10 сарын хугацаанд хамтран ажиллалаа. 2-3 тэрбум ам.доллар гэдэг бага мөнгө биш. Тиймээс Засгийн газар, хотын төсөвт дарамт авахгүй байдлаар олон улсад хэрэглэдэг баталгааны арга хэрэглэхээр ажиллаж байгаа юм.  

Улаанбаатар хот JP Morgan банктай гэрээ хийсэн. Тус банк Улаанбаатар хот, Монгол Улсын санхүүгийн нөхцөл байдлыг судалж, дүн шинжилгээ хийгээд UKEF-д танилцуулна. Үүний дараа Улаанбаатар хот, UKEF хооронд хэдэн тэрбум ам.доллар дээр тус байгууллага болон Монгол Улсын Засгийн газар баталгаа гаргах вэ гэдэг нарийн гэрээний ажил руу орох юм.

Энэ гэрээ дууссаны дараа метроныхоо эцсийн сонгон шалгаруулалтыг хийх ажлын дараалалтай явж байгаа. ТЭЗҮ бүрэн дууссан, байгаль орчны нарийвчилсан үнэлгээ намар дуусна” гэв.