УИХ-ын чуулганы хуралдаан эхэллээ. Хуралдаанаар Монгол Улсын 2025 оны төсвийн тухай хуулийн төслийг хэлэлцэх дэгийн тухай хуулийн төслийг танилцуулж, хэлэлцэж байна.

УИХ-ын нэгдсэн чуулганы хуралдаан 11:00 цагт эхэллээ. Чуулганы хуралдаанд УИХ-ын 126 гишүүний 60 буюу тавь хүрэхгүй хувь нь оролцож байна. УИХ-ын гишүүдийн ирц болон ёс зүйн асуудлыг УИХ-ын дарга хөндөв.

Тэрбээр "Өнөөдрийн хуралдаанд 80 гишүүн ирц бүртгүүлээд 60 нь л сууж байна. Нэг их өглөө эрт ирж ирц бүртгүүлдэг хүмүүс. Сууж байгаа юм байхгүй. Бүгд эсрэг санал болж гардаг. Олон удаа сонгогдсон гишүүдийг хар. Урдуур бараг бүх суудал хоосон байна. Олон нийтэд парламентын танхим хоосон харагдаж болохгүй. Эрт ирсэн гишүүдийг урагш суулгана. Гишүүдийн ёс зүйн асуудлыг олон нийт ярьж байна шүү дээ" гэсэн юм.

2025 оны төсвийн тухай хуулийн төслийг хэлэлцэх дэгийн тухай хуулийн төслийг УИХ-ын гишүүдийн олонх дэмжсэн тул эцэслэн баталлаа.