Өнөөдөр УИХ-ын шинэ гишүүд үнэмлэхээ гардан авлаа.

Энэ үеэр УИХ-ын гишүүн Ш.Бямбасүрэнгээс сэтгүүлчид асуулт асууж хариулт авлаа.

-Ирэх 4 жилд ямар бодлого хэрэгжүүлж ажиллах вэ?

-Эхний ажил бол орон нутагтай уялдаж ажиллах талаар бодож байна. Мөн бизнесийн орчныг сайжруулж, хувийн хэвшлийг дэмжсэн хуулиудыг батлуулж, татварыг сулруулснаар Монголын эдийн засгийг сайжруулахаар ажиллана.

-Зүүн бүсийн өрсөлдөөн хэр чанга байв?

Өрсөлдөөн нилээн их байлаа. Ямар ч байсан гарч ирсэн. Чин сэтгэлийнхээ үгийг ард түмэндээ хэлсэн. Ялангуяа дорнодчууд маань маш сайн дэмжиж гарч ирлээ.