УИХ-ын чуулганы өнөөдрийн хуралдаан үргэлжилж байна. Хуралдаанаар Гадаад зээлийн ашиглалт, үр ашгийг нэмэгдүүлэх тухай хуулийн төсөл /Засгийн газар  2026.05.14-ний өдөр өргөн мэдүүлсэн, хэлэлцэх эсэх, асуулт асуух хугацаа 120 минут/-ийг хэлэлцэх эсэх асуудлыг хэлэлцэж байна. 

УИХ-ын гишүүн Г.Хосбаяр: 

-Хэлэлцээр хийсэн, авахад бэлэн гадаад зээлээ бүгдийг нь шуурхай ашиглаж, улс орныхоо бүтээн байгуулалтыг эрчимжүүлмээр байна. Түрүү 7 хоногт төсвийн төсөөлөл, хөгжлийн төлөвлөгөө ярьсан. Үүгээр бол улсын төсвийн хөрөнгө оруулалт нэлээд багасахаар байна. Манай улс дэд бүтцийн хувьд хэдэн зуу дахин хоцорчхоод байгаа. Ажил хиймээр байна. Ажил хийхийн тулд мөнгө хэрэгтэй. Мөнгөний нэг эх үүсвэр нь гадаад зээл, үүнд анхаарч ажилламаар байна.