Одонтой, цалинтай ээжүүдийн мөнгийг нэмэхийг шаардаж ээж, аавуудын төлөөлөл мэдээлэл хийлээ.

Тэд "Бид хүн амын тоогоо өсгөж байж цаашид хөгжинө. Тиймээс ээжүүдэд өгөх тэтгэмж нь Монголын эдийн засаг, хүн амын бодлого талаасаа үр нөлөөтэй юм. Тиймээс үүнийг халамж гэж харах нь буруу. Хүн ам багасахын хэрээр манай эдийн засаг дагаад агшина. Тэгэхээр бид өнөөдөр ээж, хүүхдийн мөнгөний талаар яриад байгаа мэт боловч улсын хэтийн хөгжилд үр өгөөжтэй зүйл ярьж буй юм. Тиймээс Засгийн газар үүнд анхаарлаа хандуулж, нэн яаралтай арга хэмжээ авахыг хүсэж байна" гэсэн юм.

Мөн тэд хилээр орж ирэх хүүхдийн нэмэлт хүнсний бүтээгдэхүүнд тавих хяналтыг сайжруулах, чанартай хүнс, бараа бүтээгдэхүүн оруулж ирэхэд анхаарах, эрүүл ахуйн шаардлагад хяналт тавихыг хүссэн юм. Мөн бага насны хүүхдийн өвчлөл тэр дундаа хорт хавдар ихсэж байгаа нь нэг талаараа ээж нарын санхүүгийн байдалтай холбоотой байхыг үгүйсгэхгүйг дурдаад хүүхдэдээ шим тэжээлтэй хоол хүнс өгөхөд "цалинтай ээжийн тэтгэмж" нэмэр болохыг онцоллоо. Тэр дундаа хөхүүл ээжүүддээ өгөх тэтгэмжийг нэмэхийг шаардлаа.

Эцэст нь тэд ээжүүдэд "цалин" нэрээр олгож л байгаа юм бол тэтгэмжийг цалингийн доод хэмжээнд өгөхийг хүссэн юм.

Дэлгэрэнгүйг дараах видеоноос хүлээн авна уу.