Ерөнхий сайд Л.Оюун-Эрдэнэ Хөшигийн хөндийд байрлах шинэ нисэх онгоцны буудалтай танилцаж байгааг шууд дамжуулан хүргэж байна. 

2021 оны тавдугаар сарын 1-нээс хилээ нээж, агаарын нислэг хийхээр төлөвлөж байгаа талаар Засгийн газраас мэдээлээд буй. Тиймээс Ерөнхий сайд Л.Оюун-Эрдэнэ Төв аймгийн Сэргэлэн суманд байрлах шинэ нисэх онгоцны буудалтай танилцаж байна. Шинэ нисэх онгоцны буудал 2021 оны 7-р сарын 1-нд нээлтээ хийнэ.

Шинэ нисэх буудлын давуу талууд: 

- Нисэх буудлын аэродромын ашиглалт одоогийн байгаа 73 хувиас 98 хувьд хүрнэ. Үүнд цаг агаарын тааламжгүй байдал, салхины чиглэлээс шалтгаалах нислэгийн саатлыг одоогийн байгаа 2,3 хувийг 0,5 хувьд хүргэнэ. 

- Агаарын тээвэрлэлтийн дамжин өнгөрөлтийг нэмэгдүүлнэ. 

- Нисэхийн аюулгүй ажиллагааны хангалтыг сайжруулж шинэ нисэх буудал нь агаарын хөлгийн нислэгийн хоёр талын хөөрөлт буулт үйлдэх боломжийг нэмэгдүүлнэ. 

- Зорчигч терминалын үйл ажиллагаа, үйлчилэгэг олон улсын нисэх буудлуудын хэмжээнд зохион байгуулна. 

- Агаарын шинэ шугамууд шинээр нээгдэж зорчигчдын урсгал, ачаа эргэлтийн тоо нэмэгдэж тэр хэрээр агаарын тээврийн үйлчилгээ өргөжин, транзит зорчигч хүлээн авах, бусад нэр төрлийн үйлчилгээнүүдийг бий болгоно. 

- Үүнийг дагаад эдийн засгийн өсөлт бий болсноор шинэ нисэх буудлын хөгжлийг дэмжих эдийн засгийн нөөцийг бүрдүүлэх боломжтой болно.