“PEARSON” англи хэлний хөтөлбөрийг хэрэгжүүлэх ажлын хүрээнд Өвөрхангай аймгийн төвийн ерөнхий боловсролын сургуулиудын гадаад хэлний багш нар туршлага солилцож, хамтран ажиллаж байна.  

Туршлага хуваалцах, арга туршлагаа түгээн дэлгэрүүлэх зорилготой "Нээлттэй хичээл"-ийг 4 дүгээр сургуулийн англи хэлний багш Н.Оюунжаргал зааж, хичээлийн хэлэлцүүлэг өрнүүлснээс гадна платформд хэрхэн ажиллах зөвлөгөөг англи хэлний багш Б.Туяадэлгэр, хөтөлбөрийг хэрэгжүүлэхэд тулгарч буй бэрхшээл, тулгамдаж буй асуудлыг шийдвэрлэх боломжуудын талаар англи хэлний багш Д.Нямдаваа, Т.Норжмаа нар туршлага мэдээллээ хуваалцлаа.