УИХ-ын чуулганы нэгдсэн хуралдаанд гишүүд Засгийн газрын шинэ бүтэцтэй холбоотойгоор үг хэлж, асуулт асууж байна.

Энэ үеэр УИХ-ын гишүүн О.Цогтгэрэл "Манай улсын эдийн засаг "шарталтын" байдалтай байна. Урд нь сайхан идэж, уугаад өнөөдөр шартаад байж байна. Шарталт гэхээр бид ус ууж, шингэн залгуулах хэрэгтэй. Нөхцөл байдал ийм байхад ийм төвөгтэй байхад бүтэц, тогтолцоо яагаад хуучнаараа байгаа юм бэ? 

Засгийн бүтцэд өөрчлөлт орох ёстой биз дээ? Төсвийн хэмнэлт хаачив? Бодлого, тогтолцооны өөрчлөлт хийхгүй, яагаад хэдэн хүнээ л шууд сольж байгаа юм бэ?" гэж Ерөнхий сайдаас асуулаа. 

Түүний асуултад Ерөнхий сайд Г.Занданшатар "Төрийн албаны данхгар бүтцийг цомхон, чадварлаг болгож, цогц өөрчлөлтийг хийх зорилтыг хэрэгжүүлнэ. Энэ мэт томоохон ажлуудыг төсвийн тодотгол өргөн барих үеэр танилцуулна. Өнөөдөр яаралтайгаар бүтцээ өргөн барих шаардлагатай байна" гэв.

ШУУД ҮЗЭХ: