БНХАУ-ын Тяньжин хотноо Шанхайн хамтын ажиллагааны байгууллага /ШХАБ/-ын дээд хэмжээний чуулга уулзалтын үеэр Оросын Ерөнхийлөгч Владимир Путин, Хятадын Ерөнхийлөгч Ши Жиньпин, Энэтхэгийн Ерөнхий сайд Нарендра Моди нар уулзахдаа ихэд баярлан инээн ярилцаж буй бичлэг цахим орчинд өргөн тархжээ.

Хөндлөнгөөс харахад гурван удирдагчийн дунд хөнгөн яриа өрнөж буй мэт. Гэвч шинжээчдийн үзэж байгаагаар энэ нь өрсөлдөөн, эрх мэдлийн тэнцвэрийн нарийн төвөгтэй байдлыг илтгэж буй гэв. 

Энэтхэгийн БНХАУ дахь Элчин сайд асан Гаутам Бамбавале CNBC-ийн "Inside India" нэвтрүүлэгт ярихдаа “Луу, заан хоёр хамтдаа бүжиглэж эхлээгүй байна. Тэд зүгээр л өрөөний хоёр талаас харилцан нэгнээ ажиглаж, энэ харилцааны үр дагавар юу болохыг үнэлж буй хэрэг. Харилцааг буцаан сэргээхэд цаг хугацаа шаардлагатай” гэжээ.

Энэтхэг, Хятадын хилийн маргаан 2020 оны мөргөлдөөнөөс хойш шийдэгдээгүй хэвээр байгаа. Хятадын Пакистантай нягт түншлэл, эдийн засгийн коридороос цааш цэрэг, техник, тагнуулын хамтын ажиллагаа хүртэл өргөжсөн нь харилцааг гүнзгийрүүлэх боломжийг  хязгаарлаж байна.

Дээрх зураглал нь энэ удаагийн Шанхайн хамтын ажиллагааны байгууллагын (ШХАБ) дээд хэмжээний уулзалтыг өгүүлсэн үйл явдлын ерөнхий зураг болжээ. 

Эх сурвалж: CNBC