Чингис хаан үндэсний музей, Италийн Элчин сайдын яамтай хамтарч "Караважжогийн сүүдэр" киног тавдугаар сарын 22-ны 17.00 цагт ганцхан удаа толилуулах гэж байна.

Найруулагч Мишэль Пласидо-гийн бүтээл түүхэн драмын энэхүү кино 2022 оны аравдугаар сарын 18-нд нээлтээ хийжээ. Кинонд Ромын V Ширээт лам Пауль Караважжог биеэ үнэлэгч, хулгайч, тэнүүлчдийг уран зургууддаа дүрсэлдэг болохыг мэдээд Ватиканы нууц албанд зураачийг мөрдөн шалгахыг тушаажээ. 



Мөрдөн байцаалтын дүнгээр Караважжо өрсөлдөгчөө хөнөөсөн хэргээр цаазаар авахуулах ялд унаж, өршөөл эрсэн хүсэлт нь биелэх эсэх, "Сүүдэр" гэгддэг ахлах мөрдөн байцаагч Караважжогийн зөрчилдөөнтэй муу муухай, сайн чанаруудыг илчилдэг талаар үзүүлнэ. 

Сэргэн мандалтын үеийн алдартай зураач Микеланжэло Мэризи нь Караважжо нэрээр алдаршсан бөгөөд шашны сэдвүүдийг уран зурагт дүрсэлж, сүмийн сургаалийг эсэргүүцдэг байжээ. "Караважжогийн сүүдэр" киног "Чингис хаан" үндэсний музейд үнэ төлбөргүй үзүүлэх юм байна. 



"Чингис хаан" үндэсний музейд БНИУ-ын сэргэн мандалтын төлөөлөгч, гэрэл сүүдрийн мастер алдарт зураач Караважжогийн "Магдалэний наминчлал" хэмээх алдартай бүтээлийг эх зургаар нь Монгол Улсад анх удаа дэлгэн үзүүлж байна. Үзэсгэлэн зургаадугаар сарын 30-ныг хүртэл олон нийтэд нээлттэй байх юм.