Өчигдөр буюу наймдугаар сарын 12-ны лхагва гарагт ховор тохиосон бүтэн нар хиртэлтийг дэлхийн сая сая хүн ажиглалаа.

Энэ удаагийн нар хиртэлт Гренланд, Исланд, Испани болон Португалын зүүн хойд хэсгийн зарим нутгаар бүтнээрээ ажиглагдсан бол дэлхийн бөмбөрцгийн хойд хагасын олон оронд хэсэгчилсэн байдлаар харагджээ.

Нар хиртэлт гэдэг нь Сар Дэлхий болон Нарны хооронд орж, Нарны гэрлийг хэсэгчлэн эсвэл бүрэн халхлах үед үүсдэг сансрын үзэгдэл юм. Бүтэн нар хиртэлтийн үед Сар Нарны харагдах дискийг бүхэлд нь халхалж, Сарны сүүдэр Дэлхийн гадаргуу дээр нарийн зурвас үүсгэнэ. Энэ зурваст багтсан хүмүүсийн хувьд өдрийн цагаар тэнгэр богино хугацаанд огцом харанхуй болдог.

Энэ удаагийн хиртэлтийн бүтэн үе зарим байршилд хоёр гаруй минут үргэлжилсэн байна. Хамгийн удаан үргэлжлэх хэсэг Исландын баруун эргээс холгүй далайд тохиож, бүтэн хиртэлт ойролцоогоор 2 минут 18 секунд үргэлжилжээ.

Зарим гэрэл зурагчны дуранд өчигдрийн нар хиртэх агшин хэрхэн буусныг хүргэж байна. 

Зургуудыг Ройтерс агентлагийн албан ёсны зөвшөөрөлтэй ашиглав