Малчны тухай хуулийн хэрэгжилтийг дүгнэх ерөнхий хяналтын сонсгол үргэлжилж байна. Энэ үеэр малчны зээлтэй холбоотой мэдээллийг Монголбанкнаас хүргэлээ. 

Малчны зээлийн чанар сайн байгаа тул энэ зээлийн хүүг цаашид бууруулах боломжтой гэж үзэж буйгаа төв банкны зүгээс мэдээлэв. "Малчид гэрээний үүргээ сайн биелүүлдэг, сахилга бат сайтай" гэв. 

ШУУД ҮЗЭХ: 

Өмнөговь аймгийн малчин: Малчны тухай хууль олон салбар хуульд хамааралтай. Малчин гэдэг бэлчээртэйгээ шууд хамааралтай. 

Ашигт малтмалын тухай хуульд уул уурхайн үйлдвэрлэлд шилжсэн хамаарал бүхий малчин өрхүүдийн нөхөн төлбөрийг 70 жилээр тооцож олгодог баймаар байна. Учир нь лиценз 70 жилээр олгогддог. 

Хоёрдугаарт, хайгуулын зөвшөөрөл өгөхдөө зөвхөн лицензийн талбайн малчдаар хязгаарлахгүй тухайн талбайд хамаарал бүхий бүс нутгийн малчдын зөвшөөрөл авдаг заалтыг нэммээр байна. 

3000 га талбайд 6 сая тонн нүүрсний нөөцтэй уурхай бол эдийн засагт ашигтай. Гэтэл үүнээс 10 дахин том 30 мянган га талбайд 6 сая тонн нөөцтэй орд гэж хэлэхэд хэцүү лиценз олгогджээ. Энэ бол маш хариуцлагагүй бөгөөд бэлчээр сүйтгэсэн үйлдэл. 

Хүнс, хөдөө аж ахуй, хөнгөн үйлдвэрийн сайд Ц.Идэрбат "Малчны тухай хууль нь малчдад халамж олгохоос илүүтэйгээр боловсрол, эрүүл мэнд, хөдөлмөр эрхлэлт, үйлдвэрлэл, орлогыг дэмжих замаар тогтвортой хөгжих боломжийг бүрдүүлж байна" хэмээн онцлов.