Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
УИХ-ын гишүүн С.Эрдэнэболд парламентад анх удаа ажиллаж буй 81 гишүүний нэг.
Гэхдээ тэрээр улс төрд шинэ хүн биш. 2020 оны УИХ-ын ээлжит сонгуулиар нийслэлийн Сүхбаатар дүүрэгт өрсөлдөн, " аман хүзүүдэж" тавдугаарт жагссан. 2024 оны сонгуулиар төвийн бүсэд (Дархан-Уул, Сэлэнгэ, Төв аймагт) өрсөлдөж, УИХ-ын гишүүн болсон юм.
Тэрээр Ц.Элбэгдорж, З.Энхболд, С.Эрдэнэ, Х.Баттулга гээд АН-ын үе үеийн даргын удирдлага дор олон ажиллаж, намын Залуучуудын байгууллагыг удирдсан. Одоо АН-ын Дархан-Уул аймгийн даргаар ажиллаж байна.
С.Эрдэнэболд гишүүн, жил бүр улсын төсвийг батлахдаа үндэсний аюулгүй байдлын үзэл баримтлалд нийцсэн, эсэхийг шалгая гэсэн нь өмнө сонсогдож байгаагүй санал байв. Тэрээр "Би улс төр рүү гэнэт ороогүй. 20 жил АН-д ажиллаж, бусдын алдаа онооноос суралцсан. МУИС-ийн нэгдүгээр дамжааны оюутан байхад МАН-д элсүүлэх санал ирсэн ч би татгалзсан.
Ерөнхийлөгчийн сонгуультай жил байв. Би анхны номоо гаргачихсан байв. 2000 онд би Монгол Улсын оны шилдэг хүүхэд болж, Ерөнхий сайдаас бэлэг авсан. "Хүрэл тулга" наадамд оролцдог, Нийгмийн ажилд идэвхтэй оюутан байсан тул олны хараанд өртсөн байх. Миний итгэл үнэмшилтэй нийцээгүй юм. Би тухайн үед МАХН их хэлмэгдүүлэлтийг хийсэн тул уучлал гуйх ёстой гэж боддог байв.
2015 онд Монгол хэлний тухай хуулийг баталж, 2025 оноос монгол бичиг рүү шилжих шийдвэр гарсан ч дорвитой ажил хийсэнгүй. Гэвч толгойгоо шаагаад сууж болохгүй. УИХ-ын дөрвөн гишүүн монгол бичиг сурахаар шийдсэн. Яаж сурах уу гэж олон хүн надад ханддаг. Урд Өвөр Монголд монгол бичгийг хориглосон тул энэ дархлааг өвлүүлэн авч явах нь Монголчууд бидний үүрэг.
Хүмүүс Дарханд түгжрэлгүй, гоё гэж боддог. Үнэн, гэвч дундаж наслалтаар 21 аймгаас Дархан 21-рт орсон. Яагаад иргэд нь 21 аймгаас хамгийн богино наслаад байна? Тэнд яагаад ажлын байр хомс байна? Яагаад үнийн өсөлтөд иргэд нэрвэгдээд байна гэдэгт хариулт хайна. Авлига 21 аймгаас 13-рт байдаг. Харин боловсролын чанараар улсдаа тэргүүлж байна.
20 жилийн дараа тэтгэвэртээ гарахад хүмүүс намайг магтаад сүйд болдоггүй юм гэхэд муу хэлэхгүй л байгаасай гэж боддог. Үйлийн үр хаалга андуурахгүй гэдэгт итгэдэг тул үр хүүхдэдээ муу нэр үлдээхгүйг хичээдэг. Аав нь олигтой хүн байгаагүй гэж хэлүүлэхийг хүсдэггүй" гэв.
ЯРИЛЦЛАГЫГ ҮЗЭХ:
УИХ-ын гишүүн С.Эрдэнэболд парламентад анх удаа ажиллаж буй 81 гишүүний нэг.
Гэхдээ тэрээр улс төрд шинэ хүн биш. 2020 оны УИХ-ын ээлжит сонгуулиар нийслэлийн Сүхбаатар дүүрэгт өрсөлдөн, " аман хүзүүдэж" тавдугаарт жагссан. 2024 оны сонгуулиар төвийн бүсэд (Дархан-Уул, Сэлэнгэ, Төв аймагт) өрсөлдөж, УИХ-ын гишүүн болсон юм.
Тэрээр Ц.Элбэгдорж, З.Энхболд, С.Эрдэнэ, Х.Баттулга гээд АН-ын үе үеийн даргын удирдлага дор олон ажиллаж, намын Залуучуудын байгууллагыг удирдсан. Одоо АН-ын Дархан-Уул аймгийн даргаар ажиллаж байна.
С.Эрдэнэболд гишүүн, жил бүр улсын төсвийг батлахдаа үндэсний аюулгүй байдлын үзэл баримтлалд нийцсэн, эсэхийг шалгая гэсэн нь өмнө сонсогдож байгаагүй санал байв. Тэрээр "Би улс төр рүү гэнэт ороогүй. 20 жил АН-д ажиллаж, бусдын алдаа онооноос суралцсан. МУИС-ийн нэгдүгээр дамжааны оюутан байхад МАН-д элсүүлэх санал ирсэн ч би татгалзсан.
Ерөнхийлөгчийн сонгуультай жил байв. Би анхны номоо гаргачихсан байв. 2000 онд би Монгол Улсын оны шилдэг хүүхэд болж, Ерөнхий сайдаас бэлэг авсан. "Хүрэл тулга" наадамд оролцдог, Нийгмийн ажилд идэвхтэй оюутан байсан тул олны хараанд өртсөн байх. Миний итгэл үнэмшилтэй нийцээгүй юм. Би тухайн үед МАХН их хэлмэгдүүлэлтийг хийсэн тул уучлал гуйх ёстой гэж боддог байв.
2015 онд Монгол хэлний тухай хуулийг баталж, 2025 оноос монгол бичиг рүү шилжих шийдвэр гарсан ч дорвитой ажил хийсэнгүй. Гэвч толгойгоо шаагаад сууж болохгүй. УИХ-ын дөрвөн гишүүн монгол бичиг сурахаар шийдсэн. Яаж сурах уу гэж олон хүн надад ханддаг. Урд Өвөр Монголд монгол бичгийг хориглосон тул энэ дархлааг өвлүүлэн авч явах нь Монголчууд бидний үүрэг.
Хүмүүс Дарханд түгжрэлгүй, гоё гэж боддог. Үнэн, гэвч дундаж наслалтаар 21 аймгаас Дархан 21-рт орсон. Яагаад иргэд нь 21 аймгаас хамгийн богино наслаад байна? Тэнд яагаад ажлын байр хомс байна? Яагаад үнийн өсөлтөд иргэд нэрвэгдээд байна гэдэгт хариулт хайна. Авлига 21 аймгаас 13-рт байдаг. Харин боловсролын чанараар улсдаа тэргүүлж байна.
20 жилийн дараа тэтгэвэртээ гарахад хүмүүс намайг магтаад сүйд болдоггүй юм гэхэд муу хэлэхгүй л байгаасай гэж боддог. Үйлийн үр хаалга андуурахгүй гэдэгт итгэдэг тул үр хүүхдэдээ муу нэр үлдээхгүйг хичээдэг. Аав нь олигтой хүн байгаагүй гэж хэлүүлэхийг хүсдэггүй" гэв.
ЯРИЛЦЛАГЫГ ҮЗЭХ: